Principal - Noticias

Temos a sorte de contar entre os nosos compañeiros do Fogar cunha das gañadoras provinciais do Concurso de Debuxo do Banco de Alimentos deste ano 2017. É Laura Fernández Rivera, de 6ºB de Primaria.

Nesta edición do concurso, que coordina a Cátedra Bancos de Alimentos da Universidade Politécnica de Madrid baixo o lema «Contra a fame e o estrago», participaron 12 centros educativos de toda a provincia. Laura, acompañada por familia e amigos, recibiu o seu diploma e varios agasallos nun acto celebrado este xoves 18 na sede da Fundación Barrié. 

Agora o seu debuxo pasa a competir para o premio estatal. Sorte, Laura! E moitas felicidades!